Amos 2:4-6

Ang Biblia, 2001

⁴ Ganito ang sabi ng Panginoon:
“Dahil sa tatlong pagsuway ng Juda,
    at dahil sa apat, hindi ko pawawalang-bisa ang parusa,
sapagkat kanilang itinakuwil ang kautusan ng Panginoon,
    at hindi iningatan ang kanyang mga tuntunin,
kundi iniligaw sila ng kanilang mga kasinungalingang
    nilakaran din ng kanilang mga magulang.
⁵ Kaya't magsusugo ako ng isang apoy sa Juda;
    at tutupukin niyon ang mga tanggulan ng Jerusalem.”

⁶ Ganito ang sabi ng Panginoon:
“Dahil sa tatlong pagsuway ng Israel,
    at dahil sa apat, hindi ko pawawalang-bisa ang parusa;
sapagkat kanilang ipinagbili ang matuwid dahil sa pilak,
    at ang nangangailangan sa isang pares na sandalyas—