Deuteronomio 18:9-11

Ang Salita ng Dios (Tagalog Contemporary Bible)

Ang mga Kasuklam-suklam na Kaugalian

⁹ “Kapag nakapasok na kayo sa lupaing ibinibigay sa inyo ng Panginoon na inyong Dios, huwag ninyong susundin ang kasuklam-suklam na mga kaugalian ng mga naninirahan doon. ¹⁰ Wala ni isa man sa inyo na magsusunog ng kanyang anak bilang handog. At huwag din kayong manghuhula, mangkukulam, ¹¹ manggagaway, gumagawa ng mga ginagawa ng mga espiritista, at makikipag-usap sa espiritu ng mga patay.