Exodo 29:21-23

Ang Biblia (1978)

²¹ At kukuha ka ng dugo na nasa ibabaw ng dambana, at ^(A)ng langis na pangpahid, at iwiwisik mo kay Aaron, at sa kaniyang mga suot, at sa kaniyang mga anak na kasama niya: at ikapapaging banal niya at ng kaniyang mga suot, at ng kaniyang mga anak, at ng mga suot ng kaniyang mga anak na kasama niya.

²² Kukunin mo rin naman sa lalaking tupa ang taba, at ang matabang buntot, at ang ^(B)tabang nakababalot sa mga bituka, at ang mga lamak ng atay, at ang dalawang bato, at ang taba na nasa ibabaw ng mga yaon, at ang kanang hita (sapagka't isang lalaking tupa na ^(C)itinalaga),

^23 (D)At isang malaking tinapay, at isang munting tinapay na nilangisan, at isang manipis na tinapay sa bakol ng tinapay na walang lebadura na nasa harap ng Panginoon: