Ezekiel 16:12-14

Ang Salita ng Dios (Tagalog Contemporary Bible)

¹² Binigyan din kita ng singsing para sa ilong, hikaw at korona. ¹³ Pinalamutian kita ng pilak at ginto, dinamitan ng burdadong seda at ang pagkain moʼy mula sa magandang klaseng harina, pulot at langis ng olibo. Napakaganda mo, para kang reyna. ¹⁴ Naging tanyag ka sa mga bansa dahil sa labis mong kagandahan, at sa karangyaang ibinigay ko sa iyo. Ako, ang Panginoong Dios, ang nagsasabi nito.