Ezekiel 37:20-22

Ang Salita ng Dios (Tagalog Contemporary Bible)

²⁰ “Pagkatapos, hawakan mo ang patpat na sinulatan mo para makita ng mga tao. ²¹ At sabihin mo sa kanila, ‘Ito ang sinasabi ng Panginoong Dios: Titipunin ko ang mga Israelita mula sa lahat ng bansang pinangalatan nila, at ibabalik ko sa sarili nilang lupain. ²² Gagawin ko silang isang bansa sa lupain ng Israel, at isang hari na lang ang maghahari sa kanila. Hindi na sila muling mahahati o magiging dalawang bansa o kaharian.