Galacia 3:17-19

Ang Biblia (1978)

¹⁷ Ito nga ang aking sinasabi: Ang isang pakikipagtipang pinagtibay na nang una ng Dios, ay hindi mapawawalang kabuluhan ^(A)ng kautusan, na sumipot nang makaraan ang apat na raan at tatlongpung taon, ano pa't ^(B)upang pawalang kabuluhan ang pangako

¹⁸ Sapagka't kung ang mana ay sa pamamagitan ng kautusan, ay hindi na sa pamamagitan ng pangako: datapuwa't ipinagkaloob ng Dios kay Abraham sa pamamagitan ng pangako.

¹⁹ Ano nga ang kabuluhan ng kautusan? ^(C)Idinagdag dahil sa mga pagsalangsang, ^(D)hanggang sa pumarito ang binhi na siyang pinangakuan; at ito'y ^(E)iniutos sa pamamagitan ng mga anghel sa kamay ^(F)ng isang tagapamagitan.