Isaias 34:14-16

Magandang Balita Biblia

¹⁴ Ang maiilap na hayop ay sasama sa mga asong-gubat,
    tatawagin ng mga tikbalang ang kapwa nila maligno;
doon bababâ ang babaing halimaw upang magpahinga.
¹⁵ Ang mga kuwago, doon magpupugad,
    mangingitlog, mamimisâ at magpapalaki ng kanilang inakay.
Doon din maninirahan ang mga grupo ng buwitre.
¹⁶ Sa aklat ni Yahweh ay hanapin ninyo at basahin:
    “Isa man sa kanila'y hindi mawawala,
    bawat isa'y mayroong kapareha.”
Sapagkat ito'y utos ni Yahweh,
    at siya mismo ang kukupkop sa kanila.