Isaias 53:4-6

Ang Biblia, 2001

⁴ Tunay^(A) na kanyang pinasan ang ating mga karamdaman,
    at dinala ang ating mga kalungkutan;
gayunma'y ating itinuring siya na hinampas,
    sinaktan ng Diyos at pinahirapan.
⁵ Ngunit^(B) siya'y nasugatan dahil sa ating mga pagsuway,
    siya'y binugbog dahil sa ating mga kasamaan;
ipinataw sa kanya ang parusa para sa ating kapayapaan,
    at sa pamamagitan ng kanyang mga latay ay gumaling tayo.
⁶ Tayong^(C) lahat ay gaya ng mga tupang naligaw;
    bawat isa sa atin ay lumihis sa kanyang sariling daan;
at ipinasan sa kanya ng Panginoon
    ang lahat nating kasamaan.