Josue 10:24-26

Magandang Balita Biblia

²⁴ Nang nasa harapan na ni Josue ang limang hari, tinipon niya ang kanyang mga mandirigma at iniutos sa mga pinuno, “Halikayo! Tapakan ninyo sa leeg ang mga haring ito.” At ganoon nga ang ginawa nila. ²⁵ Pagkatapos, sinabi niya sa kanila, “Huwag kayong matatakot o panghihinaan ng loob. Ganito ang gagawin ni Yahweh sa lahat ng inyong mga kaaway.” ²⁶ Ang limang hari ay ipinapatay ni Josue at maghapong ibinitin sa limang punongkahoy.