Josue 10:25-27

Magandang Balita Biblia

²⁵ Pagkatapos, sinabi niya sa kanila, “Huwag kayong matatakot o panghihinaan ng loob. Ganito ang gagawin ni Yahweh sa lahat ng inyong mga kaaway.” ²⁶ Ang limang hari ay ipinapatay ni Josue at maghapong ibinitin sa limang punongkahoy. ²⁷ Nang palubog na ang araw, iniutos ni Josue na ibaba sila sa pagkakabitin at ipinatapon sa yungib na pinagtaguan nila. Ang bunganga ng yungib ay pinatakpan ng malalaking bato na naroroon pa magpahanggang ngayon.