Juan 18:12-14

Ang Salita ng Dios (Tagalog Contemporary Bible)

Dinala si Jesus kay Anas

¹² Dinakip si Jesus ng mga Romanong sundalo sa pangunguna ng kanilang kapitan, kasama ng mga guwardyang Judio. Siyaʼy iginapos nila at ¹³ dinala muna kay Anas na biyenan ni Caifas. Si Caifas ang punong pari nang taon na iyon, ¹⁴ at siya ang nagpayo sa mga pinuno ng mga Judio na mabuting mamatay ang isang tao kaysa sa mapahamak ang buong bansa.