Leviticus 16:25-27

Ang Salita ng Dios (Tagalog Contemporary Bible)

²⁵ Susunugin din niya sa altar ang mga taba ng hayop na iniaalay bilang handog sa paglilinis.

²⁶ Ang taong nagpakawala ng kambing sa ilang para kay Azazel ay kinakailangang maglaba ng kanyang damit at maligo bago siya bumalik sa kampo. ²⁷ Ang mga natirang bahagi ng baka at kambing na ang dugo ay dinala sa Pinakabanal na Lugar para sa paglilinis ay kailangang dalhin sa labas ng kampo at sunugin.