Leviticus 22:20-22

Ang Salita ng Dios (Tagalog Contemporary Bible)

²⁰ Huwag kayong maghahandog ng may kapansanan dahil hindi ko iyon tatanggapin. ²¹ Kung ang handog para sa mabuting relasyon sa akin ay inialay bilang handog para tuparin ang isang panata o handog na kusang-loob, itoʼy kailangang baka, tupa, o kambing na walang kapintasan upang itoʼy tanggapin ko. ²² Huwag kayong maghahandog sa akin ng bulag, may bali, may sugat, o may sakit sa balat. Huwag ninyo itong ialay sa altar bilang handog sa akin sa pamamagitan ng apoy.