Lucas 1:5-7

Ang Salita ng Diyos

Nagpakita ang Anghel kay Zacarias

⁵ Noong si Herodes ang hari sa Judea, may isang pari na ang pangalan ay Zacarias na kabilang sa grupo ng mga pari na tinatawag na “Grupo ni Abijah.” Ang asawa niya ay si Elizabet na kabilang din sa angkan ni Aaron. ⁶ Silang dalawa ay kapwa matuwid sa harap ng Dios. Maingat nilang sinusunod ang lahat ng utos at mga tuntunin ng Panginoon. ⁷ Wala silang anak dahil baog si Elizabet, at matanda na silang pareho.