Mateo 13:53-55

Ang Biblia, 2001

Hindi Tinanggap si Jesus sa Nazaret^(A)

⁵³ Nang matapos na ni Jesus ang mga talinghagang ito, iniwan niya ang pook na iyon.

⁵⁴ Dumating siya sa sarili niyang bayan at kanyang tinuruan sila sa kanilang sinagoga, anupa't sila'y namangha, at nagsabi, “Saan kumuha ang taong ito ng ganitong karunungan at ng ganitong mga gawang makapangyarihan?”

⁵⁵ Hindi ba ito ang anak ng karpintero? Hindi ba ang kanyang ina ay tinatawag na Maria? At ang kanyang mga kapatid ay sina Santiago, Jose, Simon, at Judas?