Mateo 9:20-22

Ang Salita ng Dios (Tagalog Contemporary Bible)

²⁰ Habang naglalakad sila, lumapit sa likuran ni Jesus ang isang babae na 12 taon nang dinudugo, at hinipo niya ang laylayan^[a] ng damit ni Jesus. ²¹ Sapagkat sinabi ng babae sa kanyang sarili, “Mahipo ko lang ang damit niya ay gagaling na ako.” ²² Lumingon si Jesus at pagkakita sa babae ay sinabi, “Anak, lakasan mo ang loob mo. Pinagaling^[b] ka ng iyong pananampalataya.” At gumaling nga ang babae nang sandaling iyon.