Mga Awit 57:3-5

Ang Biblia (1978)

^3 (A)Siya'y magsusugo mula sa langit, at ililigtas ako,
Pagka yaong lulunok sa akin ay dumuduwahagi; (Selah)
^(B)Susuguin ng Dios ang kaniyang kagandahang-loob at ang kaniyang katotohanan.
⁴ Ang aking kaluluwa ay nasa gitna ng mga leon:
Ako'y nahihiga sa gitna niyaong mga pinaningasan ng apoy,
Sa mga anak ng tao, na ang mga ngipin ay sibat at mga pana,
At ang kanilang dila ay ^(C)matalas na tabak.
^5 (D)Mabunyi ka, Oh Dios, sa itaas ng mga langit;
Mataas ang iyong kaluwalhatian sa buong lupa.