Mga Gawa 3:14-16

Ang Bagong Tipan: Filipino Standard Version

¹⁴ Itinakwil ninyo ^(A) ang Banal at Matuwid at hiniling na palayain para sa inyo ang isang mamamatay-tao. ¹⁵ Pinatay ninyo ang May-akda ng buhay, ngunit ibinangon siya ng Diyos mula sa mga kamatayan, at kami ay mga saksi sa bagay na ito. ¹⁶ Sa pamamagitan ng pananampalataya sa kanyang pangalan, gumaling ang lalaking ito na inyong nakikita at nakikilala. Ang pananampalataya kay Jesus ang lubusang nagpagaling sa kanya, gaya ng nakikita ninyong lahat.