Roma 8:17-19

Ang Salita ng Dios (Tagalog Contemporary Bible)

¹⁷ At bilang mga anak, mga tagapagmana tayo ng Dios at kasama ni Cristo na magmamana ng mga pagpapalang inilaan niya. Sapagkat kung magtitiis tayo kagaya ni Cristo noon, darating ang araw na pararangalan din tayong kasama niya.

Ang Napakagandang Kalagayan sa Hinaharap

¹⁸ Para sa akin, ang mga paghihirap sa buhay na ito ay hindi maihahambing sa napakagandang kalagayan na mapapasaatin balang araw. ¹⁹ Maging ang buong nilikha ay sabik na naghihintay na ihayag ng Dios ang mga anak niya.