Zefanias 1:17-18

Ang Salita ng Dios (Tagalog Contemporary Bible)

¹⁷ Sinabi ng Panginoon, “Ipaparanas ko ang paghihirap sa mga tao, at lalakad sila na parang bulag dahil nagkasala sila sa akin. Dadaloy na parang tubig^[a] ang kanilang dugo, at mabubulok na parang dumi^[b] ang kanilang bangkay. ¹⁸ Hindi sila maililigtas ng kanilang mga pilak at ginto sa araw na ipapakita ko ang aking galit na parang apoy na tutupok sa buong mundo. Sapagkat bigla kong lilipulin ang lahat ng naninirahan sa lupa.”