1 Corinto 3:18-20

Magandang Balita Biblia

¹⁸ Huwag dayain ninuman ang kanyang sarili. Kung may nag-aakalang siya'y matalino ayon sa sanlibutang ito, aminin niyang siya'y mangmang upang maging tunay na marunong. ¹⁹ Sapagkat^(A) ang karunungan ng sanlibutang ito ay kamangmangan sa paningin ng Diyos. Gaya ng nasusulat, “Ginagamit niya ang katusuhan ng mga marurunong para mabitag sila.” ²⁰ Gayundin,^(B) “Batid ng Panginoon na ang iniisip ng marurunong ay walang kabuluhan.”