1 Cronica 18:9-11

Ang Salita ng Dios (Tagalog Contemporary Bible)

⁹ Nang mabalitaan ni Haring Tou,^[a] ng Hamat na tinalo ni David ang buong sundalo ni Haring Hadadezer ng Zoba, ¹⁰ pinapunta niya ang anak niyang si Hadoram^[b] kay Haring David para kamustahin at batiin sa pagkakapanalo niya kay Hadadezer. (Noon pa man ay magkalaban na sina Tou at Hadadezer.) Nagdala si Hadoram ng mga regalong gawa sa ginto, pilak, at tanso. ¹¹ Inihandog ito ni Haring David sa Panginoon, gaya ng ginawa niya sa mga pilak at ginto na naagaw niya mula sa mga sumusunod na bansa – ang Edom, Moab, Ammon, Filistia at Amalek.