1 Samuel 10:10-12

Magandang Balita Biblia (with Deuterocanon)

¹⁰ Pagdating nila sa Gibea, nakasalubong nga nila ang isang pangkat ng mga propeta. Lumukob kay Saul ang Espiritu^[a] ni Yahweh at siya'y nagpahayag din tulad sa ginagawa ng mga propeta. ¹¹ Nang makita siya ng mga nakakakilala sa kanya, itinanong ng mga ito, “Ano bang nangyari kay Saul na anak ni Kish? Propeta na rin ba si Saul?”

¹² Isang^(A) tagaroon ang sumagot, “Bakit naman hindi? Baka siya pa nga ang kanilang pinuno.”^[b] At dahil dito, nagsimula ang kasabihang, “Propeta na rin ba si Saul?”