1 Samuel 10:14-16

Magandang Balita Biblia (with Deuterocanon)

¹⁴ Pagdating doon, si Saul at ang kasama niyang lingkod ay tinanong ng kanyang tiyo, “Saan ba kayo nagpunta?”

Sumagot siya, “Hinanap po namin ang mga asno. Nang hindi ko makita, nagtuloy kami kay Samuel.”

¹⁵ Sinabi ng kanyang tiyo, “Ano ang sinabi sa iyo ni Samuel?”

¹⁶ Sumagot si Saul, “Sinabi niyang nakita na raw ang mga asnong hinahanap namin.” Ngunit hindi niya binanggit ang tungkol sa pagkahirang sa kanya bilang hari ng Israel.