1 Samuel 11:4-6

Ang Salita ng Dios (Tagalog Contemporary Bible)

⁴ Dumating ang mga mensahero sa Gibea, kung saan nakatira si Saul. Nang sabihin nila sa mga tao ang sinabi ni Nahash, humagulgol ang lahat. ⁵ Nang oras na iyon, pauwi si Saul galing sa bukid niya na hinihila ang kanyang mga baka. Nang marinig niya ang iyakan, nagtanong siya, “Ano ang nangyari? Bakit nag-iiyakan ang mga tao?” Kaya sinabi ng mga tao sa kanya ang mensahe ng mga taga-Jabes. ⁶ Nang marinig ito ni Saul, napuspos siya ng Espiritu ng Dios at nagalit siya nang matindi.