1 Samuel 13:10-12

Magandang Balita Biblia (with Deuterocanon)

¹⁰ Katatapos lamang niyang maghandog nang dumating si Samuel. Sinalubong siya ni Saul at binati. ¹¹ Tinanong siya ni Samuel, “Bakit mo ginawa iyan?”

Sumagot siya, “Ang mga kasama ko'y isa-isa nang nag-aalisan, nariyan na sa Micmas ang mga Filisteo, at ikaw nama'y hindi dumating sa oras na ating usapan. ¹² Ako'y nangambang lusubin kami ng mga Filisteo rito sa Gilgal na hindi pa ako nakapaghahandog kay Yahweh, kaya napilitan akong maghandog.”