1 Timoteo 4:8-10

Ang Bagong Tipan: Filipino Standard Version

⁸ Mahalaga ang pagpapalakas ng katawan, ngunit higit ang pakinabang sa banal na pamumuhay. Mapapakinabangan ito sa lahat ng bagay sapagkat may pangako ito hindi lamang sa buhay ngayon, kundi maging sa panahong darating. ⁹ Mapagkakatiwalaan ang salitang ito at nararapat tanggapin ng lahat. ¹⁰ Dahil dito, tayo'y nagsisikap at nagpupunyagi, at umaasa sa buháy na Diyos, ang tagapagligtas ng lahat, lalo na ng mga sumasampalataya.