1 Timothi 2

Paite Bible

Biakna

2 TUA chiangin, amasapenin, mi khempeuh adinga deih ngetnate, thuumnate, thuumsaknate leh kipahthu gennate nei dingin kon hanthawn hi. ² Pathianmitna limsakna leh siangthouna teng tawh, gal¬muangtak leh kilemtaka eite i nuntak diamdiam theih nadingin, kumpipate leh thuneihna neite khempeuh adingin hibanga thuum¬sak ding ahi. ³ Hiai a hoih a, Pathian i Hondampa’ lungtaina ahi. ⁴ Ama’n mi khempeuh hotdam ahih ding uh, thutak a hon theih ding uh a deih hi. ⁵ Ahang bel, Pathian khat a om a, Pathian leh mihing kal ah palai khat a om. Tua bel, mihing ahipa Khrist Jesu ahi. ⁶ Amah mah mi khempeuh adinga tatna man hi dingin a kipia a, tua theihpihna a huntaka piak ahi. ⁷ Hiai theihpihna thu gena tangkoupa leh sawltaklian hi dinga seh ka hi. Thutak ka gen a, zuau ka gen kei hi. Zentelte kianga thu-up diktak sinsakpa hi dinga seh zong ka hi.

⁸ Munchiha pasalte’n thangpaihna hiam, kiselna hiam neiloua khut siangthou lika a thuum ding uh ka deih hi.

Tangpi Biakna-a Numeite

⁹ Numeite, nikten puansilh a kilawm lel, a uanglua lou leh a

kituak hun lela a kizep uh ka deih. Sam phek, sam tantom, kham leh suangmanpha leh puan mantamtea a kizep louh ding uh ka deih hi. ¹⁰ Pathian mitna limsaka kinei numeite adinga kilawm himin, nahoih sepin kizem le uh ka deih hi. ¹¹ Numei in dai dindenin leh, thunuailutna kim tawh sin hen. ¹² Numei in a sinsak hiam, pasal tunga a thuneih hiam, ka phal kei hi. A daih dinden ding ahi. ¹³ Ahang bel, Adam bawl masak ahi a, tua nungin Evi bawl ahi. ¹⁴ Khemzawha om Adam ahi kei a, numei ahi khemzawha om a, talek hong hi pen. ¹⁵ Ahihhangin, numeite, upna, itna, nuntakdan kilawm leh siangthouna tawh a nuntak uleh, nau neihna ah humbit ahi ding uhi.