2 Corinto 13:7-9

Magandang Balita Biblia

⁷ Idinadalangin namin sa Diyos na sana'y huwag kayong gumawa ng masama, hindi upang palabasing kami'y tama, kundi upang magawa ninyo ang mabuti, kahit lumitaw na kami'y nabigo. ⁸ Sapagkat para sa katotohanan lamang ang maaari naming gawin at hindi laban sa katotohanan. ⁹ Kami'y nagagalak kapag kami ay mahina at kayo naman ay malakas. Kaya't idinadalangin naming kayo'y maging ganap.