2 Corinto 5:6-8

Magandang Balita Biblia

⁶ Kaya't laging malakas ang aming loob. Alam naming habang kami'y narito pa sa katawang-lupa, hindi kami makakapasok sa tahanang inihanda ng Panginoon. ⁷ Sapagkat namumuhay kami batay sa pananampalataya at hindi sa mga bagay na nakikita. ⁸ Malakas ang aming loob at mas gusto pa nga naming iwan ang katawang ito na aming tinatahanan ngayon, upang manirahan na sa piling ng Panginoon.