2 Mga Hari 17:23-25

Ang Biblia (1978)

²³ Hanggang sa inihiwalay ng Panginoon ang Israel sa kaniyang paningin, ^(A)gaya ng kaniyang sinalita sa pamamagitan ng lahat niyang lingkod na mga propeta. ^(B)Gayon dinala ang Israel sa Asiria na mula sa kanilang sariling lupain, hanggang sa araw na ito.

Mga dayuhan ay dinadala sa Samaria.

^24 (C)At ang hari sa Asiria ay nagdala ng mga tao na mula sa Babilonia, at sa Cutha, at sa Ava, at sa ^(D)Hamath at sa ^(E)Sepharvaim, at inilagay sila sa mga bayan ng Samaria na kahalili ng mga anak ni Israel: at kanilang inari ang Samaria, at nagsitahan sa mga bayan niyaon.

²⁵ At nagkagayon, sa pasimula ng kanilang pagtahan doon, na hindi sila nangatakot sa Panginoon: kaya't ang Panginoon ay nagsugo ng mga leon sa gitna nila, na pinatay ang ilan sa kanila.