2 Mga Hari 23:13-15

Ang Biblia, 2001

¹³ Nilapastangan^(A) ng hari ang matataas na dako na nasa silangan ng Jerusalem, hanggang sa timog ng Bundok ng Kasiraan, na itinayo ng Haring Solomon para kay Astarte na karumaldumal ng mga Sidonio, at kay Cemos na karumaldumal ng Moab, at kay Malcom na karumaldumal ng mga anak ni Ammon.

¹⁴ At kanyang pinagputul-putol ang mga haligi, at pinutol ang mga sagradong poste,^[a] at pinuno ang kanilang mga kinatatayuan ng mga buto ng tao.

¹⁵ Bukod^(B) dito, ang dambana na nasa Bethel at matataas na dako na itinayo ni Jeroboam na anak ni Nebat, na nagbunsod sa Israel sa pagkakasala, ang dambanang iyon at ang matataas na dako ay kanyang ibinagsak at kanyang dinurog ang mga bato nito; sinunog din niya ang sagradong poste.^[b]