2 Mga Hari 25:17-19

Ang Biblia (1978)

^17 (A)Ang taas ng isang haligi ay labing walong siko, at isang kapitel na tanso ang nasa dulo niyaon; at ang taas ng kapitel ay tatlong siko, na may yaring lambat at mga granada sa kapitel sa palibot, lahat ay tanso; at mayroong gaya ng mga ito ang ikalawang haligi na may yaring lambat.

¹⁸ At kinuha ng punong kawal ng bantay si ^(B)Saraias na dakilang saserdote, at si ^(C)Sophonias na ^(D)ikalawang saserdote, at ang tatlong tagatanod-pinto:

¹⁹ At sa bayan ay kumuha siya ng isang pinuno na inilagay sa mga lalaking mangdidigma: at ^(E)limang lalake sa kanila na nakakita ng mukha ng hari ^(F)na nangasumpungan sa bayan: at ang kalihim, ang punong kawal ng hukbo, na humusay ng bayan ng lupain; at anim na pung lalake ng bayan ng lupain, na nangasumpungan sa bayan.