2 Samuel 11:14-16

Ang Salita ng Dios (Tagalog Contemporary Bible)

¹⁴ Kinaumagahan, sumulat si David kay Joab at ipinadala niya ito kay Uria. ¹⁵ Ito ang isinulat niya: “Ilagay mo si Uria sa unahan ng labanan, kung saan matindi ang labanan. Pagkatapos, umatras kayo upang siya ay matamaan at mamatay.” ¹⁶ Kaya habang pinaliligiran nila ang Rabba, inilagay ni Joab si Uria sa lugar kung saan alam niyang malalakas ang mga kalaban.