2 Samuel 6:9-11

Ang Salita ng Dios (Tagalog Contemporary Bible)

⁹ Nang araw na iyon, natakot si David sa Panginoon at sinabi niya, “Paano madadala sa lungsod ko ang Kahon ng Kasunduan ng Panginoon?” ¹⁰ Kaya nagdesisyon siyang huwag na lang dalhin sa lungsod niya^[a] ang Kahon ng Panginoon. Iniwan na lang niya ito sa bahay ni Obed Edom na taga-Gat. ¹¹ Nanatili ang Kahon ng Panginoon sa bahay ni Obed Edom sa loob ng tatlong buwan, at pinagpala siya ng Panginoon, maging ang buo niyang sambahayan.