2 Samuel 8:11-13

Magandang Balita Biblia (with Deuterocanon)

¹¹ Inilaan ni David ang mga ito para sa pagsamba kay Yahweh, kasama ng ginto at pilak na sinamsam niya sa mga bansang kanyang nilupig— ¹² sa Edom,^[a] sa Moab, sa Ammon, sa Filistia at sa Amalek—at bahagi ng kanyang nasamsam kay Hadadezer, anak ni Rehob na hari ng Soba.

¹³ Si^(A) David ay lalong natanyag nang mapatay niya ang labingwalong libong Edomita^[b] sa Libis ng Asin.