2 Timothi 1

Paite Bible

Chibaibukna

1 KEI, Khrist Jesu-a om hinna thuchiam banga, Pathian deihlama Jesu Khrist’ sawltaklian Paul in, ² ka tapa deihthawh Timothi kiang ah lai kon gelh hi.

Pa Pathian leh Khrist Jesu i Toupa apan hehpihna, zahngaihna leh lungmuanna na tung ah om

hen aw.

Muanhuaina

³ Sun leh zanin, ka deih ngetna thuumnate ah, tawp louin nang kon phawk gige hi. Tua banga kon phawkna ah, ka pu ka pate’ hih banga, ka sia-le-pha theihna siangtak tawh a nna ka sep Pathian tung ah kipahthu ka gen hi. ⁴ Na khituite ka thei gige a, ka lungnopna a kim nadingin nang hon muh ding ka lunggulh mahmah hi. ⁵ Na upna takdan ka thei gige hi. Tua upna tak, na pi Loisi ah leh, na nu Iunisi ah a teeng masa hi. Nangmah ah zong a teeng chih theitelin ka muang hi. ⁶ Hiai hangin, na tunga ka khut ngakna tungtawna na ngah, Pathian’ thawnpiak mutkuang dingin kon theisak thak hi. ⁷ Ahang bel, Pathian in eite dawilokna kha hon pia ahi kei a, vangletna, itna leh kithununna kha hon pia ahi zaw hi.

⁸ Tua ahih manin, i Toupa tawh kisai theihpihna thu gen ding zahpih kenla, ama’ hentapa keimah zong hon zahpih ken. Tangthupha hanga ka thuaknate, Pathian’ vangletna zahzahin hon thuakpih zaw in. ⁹ Pathian in eite hon hondam a, siangthoua nungta dingin hon sam hi. Tua pen, eite’n i sepsa khatpeuh hang ahi kei a, ama’ tup leh hehpihna hang ahi zaw hi. Ama’n hun kipat main, Khrist Jesu ah hiai hehpihna eite hon na peta hi. Hehpihna hong kilang hi. Khrist Jesu’ tangthupha tungtawnin, sihna a ¹⁰ Ahihhangin, i Hondampa Khrist Jesu hong kilatna tungtawnin, hiai Pathian in beisak a, hinna leh sihtheihlouhna, muhtheihin a lang¬sakta hi. ¹¹ Hiai tangthupha tawh kisaiin, Zentelte kianga tangkoupa, sawltaklian leh sinsakpa hi dingin kei a hon sep hi. ¹² Hiai hang ahi, tu-a ka thuak banga ka thuak. Ahihhangin, ka maizum kei hi. Ahang bel, ke’n ka uppa ka thei a, ama’n, amah ka kepsaksa pen, tua Ni dongin a kem thei, chih theitelin ka muang mahmah hi.

¹³ Kei apan na zak sinsakna chidam etteh-in nei inla, Khrist Jesu-a om upna leh itna ah tua kem in. ¹⁴ Pathian in nang hon kepsak, tua thilhoih, eima’ sunga teeng Kha Siangthou pansanin kem in.

¹⁵ Asia gama omte khempeuh

in kei hon taisan uh, chih na thei

hi. Amaute lak ah Fugela leh Harmozeni a kihel uhi.

¹⁶ Onesifora in kei hon halhsak zelzel a, khainiang buna ka hentakna zong hon zahpih kei hi. Tua hangin, Toupa’n a innkawte tung ah zahngaihna pia hen aw. ¹⁷ Amah Rom khua-a a om laiin, kei hon muh mateng hong zongkhe teitei hi. ¹⁸ Ama’n tua Ni chianga, Toupa apan zahngaihna a ngah ding Toupa’n phal hen aw. Ama’n Efesa khua ah, lam tampi-in kei hon huh, chih na thei hi.