Amos 2:4-6

Magandang Balita Biblia (with Deuterocanon)

⁴ Ganito ang sabi ni Yahweh:
“Paulit-ulit na nagkasala ang mga taga-Juda,
    kaya sila'y paparusahan ko.
Hinamak nila ang aking mga katuruan;
    nilabag nila ang aking mga kautusan.
Iniligaw sila ng mga diyus-diyosang
    pinaglingkuran ng kanilang mga ninuno.
⁵ Susunugin ko ang Juda;
    tutupukin ko ang mga tanggulan ng Jerusalem.”

⁶ Ganito ang sabi ni Yahweh:
“Paulit-ulit na nagkasala ang mga taga-Israel,
    kaya sila'y paparusahan ko.
Dahil sa suhol, pinarusahan nila ang mga matutuwid,
    at ibinentang alipin sa halagang isang pares ng sandalyas ang mga taong hindi makabayad ng utang.