Amos 4:10-12

Magandang Balita Biblia

¹⁰ “Pinadalhan ko kayo ng salot tulad ng aking ginawa sa Egipto.
    Pinatay ko sa digmaan ang inyong kabinataan;
inagaw ko ang inyong mga kabayo.
    Bumaho ang inyong mga kampo dahil sa mga nabubulok na bangkay; halos hindi kayo makahinga,
subalit hindi pa rin kayo nanumbalik sa akin.

¹¹ “Pinuksa^(A) ko ang ilan sa inyong lunsod tulad ng Sodoma at Gomorra.
    Kayo'y parang nagbabagang kahoy na inagaw sa apoy,
ngunit ayaw pa rin ninyong manumbalik sa akin,” sabi ni Yahweh.

¹² “Mga taga-Israel, gagawin ko ito sa inyo,
    kaya humanda kayong humarap sa inyong Diyos!”