Deuteronomio 10:16-18

Ang Salita ng Dios (Tagalog Contemporary Bible)

¹⁶ Kaya baguhin^[a] ninyo ang mga puso ninyo at huwag nang patigasin ang mga ulo ninyo. ¹⁷ Sapagkat ang Panginoon na inyong Dios ay Dios ng mga dios at Panginoon ng mga panginoon. Makapangyarihan siya at kamangha-manghang Dios. Wala siyang pinapanigan at hindi siya tumatanggap ng suhol. ¹⁸ Ipinagtatanggol niya ang karapatan ng mga ulila at mga biyuda. Minamahal niya ang mga dayuhan^[b] at binibigyan sila ng pagkain at mga damit.