Deuteronomio 15:6-8

Ang Salita ng Dios (Tagalog Contemporary Bible)

⁶ Pagpapalain kayo ng Panginoon na inyong Dios ayon sa ipinangako niya sa inyo. Maraming bansa ang mangungutang sa inyo, pero kayo ay hindi mangungutang. Pamamahalaan ninyo ang maraming bansa pero hindi kayo mapamamahalaan.

⁷ “Kung may mahirap sa bayan ninyo, sa lupaing ibinibigay sa inyo ng Panginoon na inyong Dios, huwag kayong maging maramot sa kanya. ⁸ Kundi maging mapagbigay kayo at pautangin ninyo siya ng kanyang mga pangangailangan.