Deuteronomio 32:22-24

Magandang Balita Biblia

²²Galit ko'y bubuga ng nag-aalab na poot,
maglalagablab hanggang sa kalaliman ng daigdig ng mga patay.
Lupa't bunga nito apoy ang tutupok,
sa mga saligan ng bundok siya ang susunog.’

²³“‘Tatambakan ko sila ng labis na paghihirap,
    pauulanan ko sila ng aking mga sibat.
²⁴Padadalhan ko sila ng nakakalunos na salot,
    matinding lagnat at gutom ang aking idudulot.
Mababangis na hayop aking pasasalakayin,
    makamandag na ahas sila'y tutuklawin.