Deuteronomio 32:23-25

Ang Biblia, 2001

²³ “‘Aking dadaganan sila ng mga kasamaan;
    aking uubusin ang aking pana sa kanila.
²⁴ Sila'y mapupugnaw sa gutom,
    at lalamunin ng maningas na init,
    at ng nakalalasong salot;
at ang mga ngipin ng mga hayop ay isusugo ko sa kanila,
    pati ng kamandag ng gumagapang sa alabok.
²⁵ Sa labas ay namimighati ang tabak,
    at sa mga silid ay malaking takot;
kapwa mawawasak ang binata at dalaga,
    ang sanggol pati ng lalaking may uban.