Deuteronomio 32:24-26

Ang Salita ng Dios (Tagalog Contemporary Bible)

²⁴ Gugutumin ko sila; at mangamamatay sila sa gutom at karamdaman.
Padadalhan ko sila ng mababangis na hayop para atakihin sila at mga ahas para silaʼy tuklawin.
²⁵ Sa labas ng kanilang bahay, marami ang mamamatay sa labanan,
at sa loob nitoʼy maghahari ang takot.
Mamamatay ang lahat, maging ang mga kabataan, matatanda at mga bata.
²⁶ Sinabi ko na pangangalatin ko sila hanggang sa hindi na sila maalala sa mundo.