Deuteronomio 32:24-26

Magandang Balita Biblia (with Deuterocanon)

²⁴ Padadalhan ko sila ng nakakalunos na salot,
    matinding lagnat at gutom ang aking idudulot.
Mababangis na hayop aking pasasalakayin,
    makamandag na ahas sila'y tutuklawin.
²⁵ Sa mga lansanga'y magkakaroon ng mga patayan,
    sindak at takot naman sa mga tahanan;
binata't dalaga'y kapwa pupuksain,
    maging pasusuhing sanggol at matatandang ubanin.
²⁶ Naisip ko na sana'y sila ang lipulin,
    sa alaala ng madla sila ay pawiin.