Deuteronomio 5:7-9

Ang Salita ng Dios (Tagalog Contemporary Bible)

⁷ “ ‘Huwag kayong sasamba sa ibang mga dios maliban sa akin.

⁸ “ ‘Huwag kayong gagawa ng mga dios-diosan na anyo ng anumang bagay sa langit, o sa lupa, o sa tubig. ⁹ Huwag ninyo itong paglilingkuran o sasambahin, dahil ako ang Panginoon na inyong Dios ay ayaw na may sinasamba kayong iba. Pinaparusahan ko ang mga nagkakasala sa akin, pati na ang mga anak hanggang sa ikatlo at ikaapat na henerasyon ng mga napopoot sa akin.