Efeso 4:24-26

Ang Salita ng Dios (Tagalog Contemporary Bible)

²⁴ Ipakita nʼyong binago na kayo ng Dios at binigyan ng buhay na matuwid at banal katulad ng sa Dios.

²⁵ Kaya huwag na kayong magsisinungaling. Ang bawat isaʼy magsabi ng katotohanan sa kanyang mga kapatid^[a] kay Cristo, dahil kabilang tayong lahat sa iisang katawan. ²⁶ Kung magalit man kayo, huwag kayong magkasala.^[b] At huwag nʼyong hayaan na lumipas ang araw na galit pa rin kayo.