Exodo 13:11-13

Ang Biblia, 2001

Ang Pagtatalaga ng Panganay

¹¹ “Kapag dinala ka na ng Panginoon sa lupain ng Cananeo, gaya ng ipinangako sa iyo at sa iyong mga ninuno, at pagkabigay niyon sa iyo,

¹² ibubukod^(A) mo para sa Panginoon ang lahat ng nagbubukas ng bahay-bata. Lahat ng panganay na lalaki ng iyong mga hayop ay sa Panginoon.

¹³ Bawat panganay ng asno ay tutubusin mo ng isang kordero;^[a] at kung hindi mo tutubusin ito, iyong babaliin ang leeg nito. Lahat ng mga panganay na lalaki sa iyong mga anak ay iyong tutubusin.