Exodo 39:7-9

Magandang Balita Biblia

⁷ Ang mga bato'y ikinabit nila sa tali sa balikat ng efod upang maalala ang mga anak ni Israel. Ginawa rin nila ito ayon sa utos ni Yahweh.

⁸ Gumawa rin sila ng pektoral. Magandang-maganda ang burda nito, tulad ng efod, at yari din sa mainam na lino, at lanang kulay asul, kulay ube at pula at mayroon din itong sinulid na ginto. ⁹ Ito'y magkataklob at parisukat: 0.2 metro ang haba, at ganoon din ang lapad.