Exodus 4:27-29

Ang Salita ng Dios (Tagalog Contemporary Bible)

²⁷ Samantala, sinabi ng Panginoon kay Aaron, “Lumakad ka at salubungin si Moises sa disyerto.” Kaya sinalubong niya si Moises sa Bundok ng Dios at hinagkan bilang pagbati. ²⁸ Sinabi ni Moises kay Aaron ang lahat ng iniutos ng Panginoon na sabihin niya, at ang lahat ng himalang iniutos ng Panginoon na gawin niya.

²⁹ Kaya lumakad ang dalawa, at tinipon ang lahat ng tagapamahala ng Israel.